Azərbaycan News Agency

İspaniyanın Baş naziri Pedro Sançes kirayə mənzillərə çıxışı asanlaşdırmaq məqsədilə üç təcili tədbirin həyata keçiriləcəyini açıqladı: kiraları artırmayan ev sahiblərinin mükafatlandırılması, mövsümi müqavilələrin məhdudlaşdırılması və otaq kirayəsi xidmətlərindən sui-istifadənin qarşısının alınması.

Planlaşdırılan tənzimləmələr barədə danışan Sançes dedi: “Kirayə mənzillərə çıxışı asanlaşdırmaq üçün üç təcili və qəti tədbiri ehtiva edən kral fərmanını təsdiqləyəcəyik.”

Kral fərmanının detallarını açıqlayan Sançes əlavə etdi: “Kirayəçilər üçün qiymət artımı etmədən müqavilələri yeniləyən ev sahiblərini mükafatlandıracaq, dələduzluq məqsədli istifadəyə son qoymaq üçün mövsümi müqavilələri məhdudlaşdıracaq və otaq kirayəsi xidmətlərindən sui-istifadənin qarşısını alacağıq.”

Hökumətin əsas yanaşmasını vurğulayan Baş nazir Sançes sözlərini belə tamamladı: “Bu hökumət mənzil hüququnu yalnız bazarın ixtiyarına buraxmayacaq və insanlara kömək etmək üçün bütün alətlərindən istifadə edəcək.”