Azərbaycan News Agency

Qətər Dövlətinin, Türkiyə Respublikasının, Misir Ərəb Respublikasının, İordaniya Haşimi Krallığının, İndoneziya Respublikasının, Pakistan İslam Respublikasının, Səudiyyə Ərəbistanı Krallığının və Birləşmiş Ərəb Əmirliklərinin xarici işlər nazirləri Amerika Birləşmiş Ştatlarının Prezidenti Donald Trampın liderlərinə Sülh Şurasına qoşulmaları üçün etdiyi dəvəti məmnuniyyətlə qarşılayıblar.

Nazirlər ölkələrinin Sülh Şurasına qoşulmaqla bağlı birgə qərarını açıqlayıblar. Hər bir ölkə müvafiq hüquqi və digər zəruri prosedurlara uyğun olaraq qoşulma sənədlərini imzalayacaq.

Nazirlər Prezident Trampın rəhbərliyi altında aparılan sülh səylərinə ölkələrinin dəstəyini bir daha təsdiqləyərək, BMT Təhlükəsizlik Şurasının 2803 saylı Qətnaməsi ilə təsdiqlənmiş və Qəzza Münaqişəsinin Dayandırılmasına dair Əhatəli Plan-da qeyd olunduğu kimi, davamlı atəşkəsin təmin edilməsini, Qəzzanın yenidən qurulmasının dəstəklənməsini və beynəlxalq hüquqa uyğun olaraq fələstinlilərin öz müqəddəratını təyin etmə və dövlət qurma hüququna əsaslanan ədalətli və davamlı sülhün təşviqini hədəfləyən keçid idarəetməsi kimi Sülh Şurasının missiyasının icrasına sadiqliklərini təsdiqləyiblər.