Azərbaycan News Agency

Ukraynanın xarici işlər naziri Andrii Sıbiha Estoniya ilə strateji tərəfdaşlıq və regional təhlükəsizlik əməkdaşlığı çərçivəsində estoniyalı həmkarı Marqus Tsahkna ilə görüşüb.

Rusiyanın son hücumlarına və Estoniyanın üzərinə götürəcəyi yeni rola toxunan Sıbiha deyib: “Estoniya 2026-cı ildə Skandinaviya-Baltik Səkkizliyi çərçivəsində koordinator rolunu üzərinə götürəcək. Rusiyanın Ukraynaya qarşı həyata keçirdiyi barbar hücumu bir daha ətraflı şəkildə izah etdim.”

Müdafiə sahəsində prioritetləri vurğulayan Sıbiha qeyd edib: “Rusiyanın davam edən terror aktlarına qarşı güclü və əlaqələndirilmiş cavabın təmin edilməsi üçün atılacaq konkret addımları müzakirə etdik; xüsusilə Ukraynanın hava hücumundan müdafiəsinin təcili gücləndirilməsinə diqqət yetirdik.”

Regional əməkdaşlığın əhəmiyyətinə diqqət çəkən Sıbiha sözlərini belə tamamlayıb: “Ukrayna Skandinaviya-Baltik ölkələri ilə əməkdaşlığın daha da inkişafına böyük əhəmiyyət verir və onların prinsipial, ardıcıl və mənalı dəstəyini son dərəcə yüksək qiymətləndirir.”