Azərbaycan News Agency

Monteneqro Prezidenti Yakov Milatoviç verdiyi açıqlamada Budapeştdə Macarıstanın Baş naziri Peter Magyar ilə keçirdiyi görüşdə Monteneqronun Avropa İttifaqına üzvlük prosesini müzakirə etdiyini bildirib.

Milatoviç üzvlük danışıqlarının başa çatdırılması və üzvlük sazişinin 2027-ci ilin birinci yarısında imzalanması üçün Macarıstanın dəstəyini istədiyini qeyd edib. Avropaya inteqrasiya yolunda həlledici mərhələyə qədəm qoyduqlarını bildirən Milatoviç islahatların davam etdirilməsinin və qalan öhdəliklərin yerinə yetirilməsinin vacibliyini vurğulayıb.

Macarıstana dəstəyinə görə təşəkkür edən Milatoviç iki ölkə arasındakı dostluq münasibətlərinin konkret əməkdaşlıq layihələri vasitəsilə daha da güclənəcəyinə inandığını ifadə edib.