Azərbaycan News Agency

Sibixa, sabah keçiriləcək Aİ Xarici İşlər Şurasında onlayn iştirak üçün onu dəvət etdiyinə görə Avropa İttifaqının Xarici Siyasət və Təhlükəsizlik üzrə Ali Nümayəndəsi və Avropa Komissiyası sədr müavini Kaja Kallasa təşəkkürünü bildirib.

O, Aİ və üzv dövlətlərə dəstəklərinə görə təşəkkür edəcəyini və Ukraynanı və bütün Avropanı gücləndirmək üçün cəsarətli addımlar atmağa təşviq edəcəyini deyib: “Moskvanı sərt sanksiyalarla cəzalandırmaq və ABŞ-la koordinasiyalı təzyiq göstərmək vaxtıdır. Bütün sanksiyalar tam şəkildə tətbiq edilməlidir və Rusiya müharibə üçün istifadə etdiyi neft gəlirlərindən məhrum edilməlidir.”

Sibixa əlavə edib ki, Ukraynanın hava hücumundan müdafiəsini gücləndirməyin və yüksək texnologiyalı müdafiə sənayesinə investisiyaları artırmağın zamanı çatıb.

“Aİ daxilində birliyin yanaşı, transatlantik birliyin də maksimum təmin olunmasının vaxtıdır. Bu, xüsusilə Ukraynanın Aİ-yə üzvlüyü üçün gözlənilən addımlar baxımından böyük əhəmiyyət kəsb edir. Müdafiə, çəkindirmə və genişlənmə sahələrində zəruri qərarların verilməsi üçün Danimarkanın sədrliyinə və liderliyinə güvənirik.”