Azərbaycan News Agency

Ukraynanın xarici işlər naziri Andriy Sybiha Yaponiyanın səfiri Masaşi Nakaqome, Yaponiya Beynəlxalq Əməkdaşlıq Agentliyi (JICA) və Yaponiya Xarici Ticarət Təşkilatının (JETRO) nümayəndələri ilə görüşdüyünü açıqlayıb.

Sybiha bildirib ki, görüş zamanı ötən həftə Yaponiyaya etdiyi səfər çərçivəsində əldə olunan razılaşmaların həyata keçirilməsi üçün atılacaq addımları qiymətləndiriblər və əlavə edib: "Dialoqumuz davam edir, lakin artıq diqqətimizi icraya yönəltmişik."

Görüşdə Ukraynanın qış mövsümü ərəfəsində enerji infrastrukturunun gücləndirilməsi, JICA ilə həyata keçirilən yenidənqurma layihələrinin irəlilədilməsi və Yapon şirkətlərinin JETRO vasitəsilə Ukraynanın yenidən qurulmasına daha fəal cəlb olunması məsələləri müzakirə edilib.

Sybiha Yaponiyaya UNESCO vasitəsilə Kiyev-Peçersk Lavrasının bərpasına dəstək vermək qərarına və insan resurslarının inkişafına yönəlmiş təqaüd proqramına göstərdiyi qrant dəstəyinə görə təşəkkür edib.