Azərbaycan News Agency

ABŞ Prezidenti Donald Tramp Şotlandiyanın Aberdin şəhərinin sakinlərinin yeni Baş nazir Endi Börnhemin neftlə bağlı qərarını sevinclə qarşıladıqlarını vurğulayıb. Tramp bildirib ki, bölgənin neft potensialı Böyük Britaniyanı dünyanın ən varlı ölkələrindən birinə çevirə bilər.

Şimal dənizi neftinin iqtisadi əhəmiyyətini vurğulayan Tramp deyib: "Dünyanın ən böyük yüksək keyfiyyətli neft mənbələrindən biri olan bu ehtiyatlar yüz illərlə istifadə oluna bilər və hələ kəşf edilməmiş böyük hissəsi ilə Böyük Britaniyanı iqtisadi çətinliklərdən çıxarıb dünyanın ən zəngin ölkələrindən birinə çevirəcək!"

Mövcud enerji ticarətini və bölgədəki külək turbinlərini tənqid edən Tramp bildirib: "Britaniya Şimal dənizinin daha az dəyərli hissəsindən neft əldə edən Norveçə hər il milyardlarla dollar ödəyir – bu nə qədər absurddur! Həmçinin deyilir ki, Aberdin şəhərini kölgədə qoyan və eybəcər görünən köhnə külək dəyirmanları da söküləcək. Bu, ölkə üçün böyük bir gün olacaq və hamı tərəfindən yüksək qiymətləndiriləcək."

Böyük Britaniyanın potensialına toxunan Tramp deyib: "Böyük Britaniyanın çox böyük potensialı var, lakin hər şey Şimal dənizi neftinin istifadəyə açılması ilə başlayır. Səni sevirik, Şotlandiya."