Azərbaycan News Agency

ABŞ Prezidenti Donald Tramp bildirib ki, Tehranın hərbi potensialı demək olar ki, tamamilə məhv edilib.

Əməliyyatların nəticələri ilə bağlı məlumat verən Tramp deyib: «İranın donanması məhv edilib. Hərbi hava qüvvələri məhv edilib. Hava hücumundan müdafiə sistemləri məhv edilib. Möhtəşəm iş gördük. İranın hərbi gücünü aradan qaldırdıq. 100% effektiv blokada tətbiq etdik.»

Blokadanın iqtisadi təsirlərinə toxunan Tramp bildirib: «Onlar heç bir ticarət edə bilmirlər və buna görə iqtisadi və maliyyə baxımından yaxşı vəziyyətdə deyillər.»

İranın razılaşma istədiyini bildirən Tramp deyib: «İran razılaşma etmək istəyir və biz onlarla danışıqlar aparırıq, lakin onlar ölkəni kimin idarə etdiyini belə bilmirlər. Onlar xaos içindədirlər, buna görə vəziyyətin bir hissəsini həll etmələri üçün onlara bir şans vermək istədik.»

Hərbi hədəflərlə bağlı faiz göstərən və Tehrana xəbərdarlıq edən Tramp əlavə edib: «Hədəf aldığımız obyektlərin 78%-ni vurduq. Əgər İran razılaşma etmək istəməzsə, qalan hədəfləri hərbi yolla məhv edəcəyəm.»