Azərbaycan News Agency

ABŞ Prezidenti Donald Tramp İranla bağlı əməliyyatlar və Hörmüz boğazı haqqında açıqlamalar verib.

Tramp İranı çox sərt şəkildə vurduqlarını bildirərək deyib: “Onları daha sərt vurmaq mümkündürmü bilmirəm. Bunlar quldur, vəhşi və dəhşətli insanlardır... etiraz etdikləri üçün 3 gənci edam etmələrinə təəccüblənmədim.”

Tramp atəşkəs istəmədiyini bildirərək deyib: “Dialoq ola bilər, amma mən atəşkəs istəmirəm. Qarşı tərəfi faktiki olaraq məhv edərkən atəşkəs olmaz... belə bir niyyətimiz yoxdur.”

NATO-nu tənqid edən Tramp bildirib:

“Düşünürəm ki, NATO çox zəifləyib, çünki Hörmüz boğazı məsələsində kömək etməlidirlər. Enerjilərinin böyük hissəsini buradan əldə edirlər. Bir çox senator və konqres üzvü NATO-nun heç nə etməməsindən çox narahatdır. Hörmüz boğazının açılması sadə hərbi manevrdir, nisbətən təhlükəsizdir, lakin gəmilər və imkanlar tələb edir. NATO bizə kömək edə bilər, amma indiyə qədər bunu etmək üçün cəsarət göstərməyiblər. Bu boğazdan istifadə edən ölkələrin, o cümlədən Çinin də prosesə qoşulması yaxşı olar.”

Tramp bildirib ki, İran daha əvvəl hücuma məruz qalmalı idi: “Çoxlu sayda əsgərimiz var, limitsiz sursatımız var, dünyanın ən yaxşı avadanlıqlarına sahibik və İranı ciddi şəkildə zərərsizləşdiririk. Bu çoxdan edilməli idi.”

Tramp vurğulayıb ki, İranın donanmasını, hava qüvvələrini və hava hücumundan müdafiə sistemlərini zərərsizləşdiriblər və deyib: “Hərbi baxımdan onlar bitmiş vəziyyətdədir.”