Azərbaycan News Agency

ABŞ Prezidenti Donald Tramp terrorla mübarizədə həyata keçirilən hərbi əməkdaşlığın əhəmiyyətindən, kəşfiyyat imkanlarından və qlobal təhlükəsizlik istiqamətində atılan addımlardan danışıb.

Əməliyyatın uğurla başa çatdığını bildirərək təfərrüatları paylaşan Tramp deyib: “Bu gecə mənim göstərişimlə cəsur Amerika qüvvələri və Nigeriya Silahlı Qüvvələri dünyanın ən aktiv terrorçusunu döyüş meydanından uzaqlaşdırmaq üçün diqqətlə planlaşdırılmış və çox mürəkkəb bir missiyanı qüsursuz şəkildə yerinə yetirdi.”

Əl-Minukinin yerləşdiyi məkan barədə məlumat verən Tramp bildirib: “İŞİD-in qlobal miqyasda ikinci komandiri olan Əbu Bilal əl-Minuki Afrikada gizlənə biləcəyini düşünürdü, lakin bizim onun nə etdiyini bizə bildirən mənbələrimizin olduğunu bilmirdi.”

Tramp terror təşkilatı liderinin aradan qaldırılmasının yaradacağı strateji nəticələrə diqqət çəkərək deyib: “O artıq Afrika xalqını terror edə və ya amerikalıları hədəf alan əməliyyatların planlaşdırılmasına kömək edə bilməyəcək. Onun zərərsizləşdirilməsi ilə İŞİD-in qlobal əməliyyatları böyük ölçüdə zəifləyib.”

Tramp Nigeriya hökumətinə təşəkkürünü bildirərək açıqlamasını belə yekunlaşdırıb: “Bu əməliyyatda tərəfdaşlığınıza görə Nigeriya hökumətinə təşəkkür edirəm.”