Azərbaycan News Agency

Tramp sosial media hesabında verdiyi açıqlamada ödənişlərin Medicare Part B sığorta haqlarının qarşılanmasına kömək məqsədilə ediləcəyini bildirib. O, vəsaitin Medicare Improvement Fund-dan təmin olunacağını deyərək, bu fondun əvvəllər istifadə edilmədiyini və səhiyyə xərclərinin artmasına səbəb olduğunu iddia edib.

Tramp administrasiyasının Medicare Improvement Fund və "Most Favored Nations" razılaşmalarından istifadə etməklə yaşlıların səhiyyə xərclərini azaltmağı hədəflədiyini bildirib.

Medicare və Social Security sistemlərini qorumağa söz verdiyini qeyd edən Tramp, keçmiş prezident Co Bayden administrasiyasının siyasətlərinin bu proqramlara mənfi təsir göstərdiyini iddia edib.

Tramp həmçinin Affordable Care Act çərçivəsindəki planlar üçün artıq ödəniş etdiyini bildirdiyi 1 milyon amerikalıya geri ödəniş ediləcəyini açıqlayıb.

Tramp açıqlamasında Konqresə aralıq seçkilərinə də toxunaraq, respublikaçıların seçkilərdə qalib gələcəyi təqdirdə ABŞ vətəndaşlarına 5 min dollarlıq "Tramp Dividendi" ödənişi ediləcəyini bildirib.