Azərbaycan News Agency

ABŞ Prezidenti Donald Tramp sosial media hesabı vasitəsilə etdiyi açıqlamada Fed sədri Cerom Pauell və mövcud faiz siyasəti ilə bağlı fikirlərini bildirib.

İnflyasiyanın artıq təhlükə olmadığını deyən Tramp qeyd edib: “Cerom ‘çox gec’ Pauell, faiz dərəcələrini bu qədər yüksək səviyyədə saxlamaq üçün heç bir əsas olmadığı halda, yenidən faizləri azaltmaqdan imtina etdi. Bu, ölkəmizə və milli təhlükəsizliyimizə zərər vurur. Bu, Amerikaya hər il tamamilə lazımsız və əsassız faiz xərcləri kimi yüz milyardlarla dollara başa gəlir.”

Gömrük rüsumları ilə əldə edilən iqtisadi gücü vurğulayan Tramp əlavə edib: “Gömrük rüsumları sayəsində ölkəmizə axan böyük məbləğdə vəsaitə görə, biz dünyadakı istənilən ölkədən daha aşağı faiz dərəcələri ödəməli idik. Gömrük rüsumları Amerikanı yenidən güclü və qüdrətli edib. Bu gücə uyğun olaraq, dünyadakı bütün digər ölkələrdən daha aşağı faiz dərəcələri ödəməliyik.”

Digər ölkələrlə ticarət münasibətlərinə toxunan Tramp deyib: “Dünyanın hər yerindəki ölkələrə qarşı çox nəzakətli və anlayışlı olmuşam. Tək bir imza ilə ABŞ-a daha milyardlarla dollar daxil olacaq. Fed faiz dərəcələrini əhəmiyyətli dərəcədə azaltmalıdır. İndi!”