Azərbaycan News Agency

Ukrayna Prezidenti Volodimir Zelenski Rusiyanın enerji infrastrukturuna qarşı hücumlarından sonra aparılan təmir işləri və enerji təhlükəsizliyi ilə bağlı açıqlama verib.

Naftogaz rəhbərliyi ilə keçirdiyi görüş barədə məlumat verən Zelenski deyib: “Görüşümüzə Rusiyanın Ukraynanın neft və təbii qaz infrastrukturuna hücumlarının nəticələrini və təmir prosesini müzakirə etməklə başladıq. Bütün çətinliklərə baxmayaraq, ukraynalılar üçün etibarlı təbii qaz təchizatını təmin edirik. Kifayət qədər həcmdə idxalı davam etdiririk və təchizat marşrutları əhəmiyyətli dərəcədə şaxələndirilib.”

Maliyyə dəstəyi və beynəlxalq əməkdaşlıqlara toxunan Zelenski əlavə edib: “Dünən Avropa İnvestisiya Bankı ilə daha 50 milyon avroluq müqavilə imzalanıb. Maliyyə dəstəyinin əsas hissəsini Avropa İnvestisiya Bankı və EBRD təmin edir. Bundan əlavə, Naftogaz öz istehlak ehtiyacının 50 faizindən çoxunu qarşılamaq üçün elektrik enerjisi idxal edərək bütün sistemi dəstəkləyir.”