Tsahkna: Təchizat zəncirlərini şaxələndirməli və razılaşdırılmış qaydalara əsaslanan ticarəti gücləndirməliyik
Tallinn, 19 noyabr (Hibya) - Estoniyanın xarici işlər naziri Margus Tsahkna ölkəsinin Avropa İttifaqı (Aİ) ilə Hindistan arasında müzakirə olunan azad ticarət sazişinin imzalanmasını və danışıqların yekunlaşdırılmasını dəstəklədiyini açıqlayıb. Tsahkna 19 illik danışıqlardan sonra gündəmə gələn sazişin təxminən 2 milyard insanı əhatə edən azad ticarət zonasının yaradılması istiqamətində mühüm addım olduğunu bildirib.
Estoniyanın xarici işlər naziri Margus Tsahkna ölkəsinin Avropa İttifaqı (Aİ) ilə Hindistan arasında müzakirə olunan azad ticarət sazişinin imzalanmasını və danışıqların yekunlaşdırılmasını dəstəklədiyini açıqlayıb.
Sazişin Estoniya şirkətləri üçün xüsusilə sənaye, ağac məhsulları və rəqəmsal xidmətlər sahələrində imkanlar yaradacağını qeyd edən Tsahkna bu prosesin Avropa üçün də strateji seçim olduğunu vurğulayıb.
Ticarətin getdikcə daha çox təzyiq vasitəsi kimi istifadə olunduğuna diqqət çəkən Tsahkna deyib: “Təchizat zəncirlərini şaxələndirməli, asılılıqları azaltmalı və razılaşdırılmış qaydalara əsaslanan ticarəti gücləndirməliyik.”
Azərbaycan İnformasiya Agentliyi