Azərbaycan News Agency

Ukrayna Xarici İşlər Nazirliyi Rusiyanın mülki yaşayış məntəqələrinə qarşı həyata keçirdiyi yeni hücum dalğasının yaratdığı dağıntılarla bağlı yenilənmiş məlumatları paylaşıb.

Hücumların humanitar nəticələrinə diqqət çəkilən açıqlamada deyilir: "Rusiya Ukraynaya bir daha hücum edərək üç mülki şəxsi öldürdü və ən azı 12 nəfəri yaraladı. Poltava vilayətində yaşayış evləri, bir otel və sənaye obyektləri zərər gördü. İki nəfər öldü, aralarında bir uşaq da olmaqla yeddi nəfər yaralandı."

Zaporizjya vilayətindəki vəziyyətlə bağlı isə qeyd olunur: "Rusiyanın birgə hücumu nəticəsində bir nəfər öldü, beş nəfər yaralandı. Bir yerdə çoxmərtəbəli bina yanıb, digər yerdə isə yaşayış binası qismən zədələnib."

Nazirlik bildirib ki, bu hücumlar Kremlin niyyətlərini açıq şəkildə ortaya qoyur.