Azərbaycan News Agency

Ukrayna Prezidenti Volodimir Zelenski son 24 saat ərzində Rusiya ordusunun həyata keçirdiyi intensiv hücumların nəticələrini bölüşərək müdafiə sənayesinin və müttəfiq yardımlarının əhəmiyyətinə diqqət çəkib.

Hücumların təsir etdiyi bölgələrə toxunan Zelenski deyib: "Zaporijya və Poltavada adi yaşayış binaları zədələnib və yanğınlar baş verib. Sumı vilayətindəki Şostkaya təxminən 40 pilotsuz uçuş aparatı (PUA) atılıb. Xarkiv vilayətindəki Slatinedə isə bir PUA elektrik qatarına dəyib. Ümumilikdə 11 bölgədə ziyan qeydə alınıb."

İnsan itkilərindən duyduğu təəssüfü bildirən Zelenski deyib: "Təəssüf ki, indiyədək hücum nəticəsində dörd nəfərin öldüyü bildirilib. Uşaqlar da daxil olmaqla onlarla insan yaralanıb."

Ukraynanın hava hücumundan müdafiə sistemlərinin fəaliyyətinə dair məlumatları paylaşan Prezident Zelenski bildirib: "Ümumilikdə 390-dan çox hücum dronu və müxtəlif tipli 34 raket (ballistik, qanadlı və idarə olunan hava raketləri) zərərsizləşdirilib. Bu rəqəmlər Rusiyanın hücumları nəticəsində insan itkilərinin qarşısını almaq üçün daha çox müdafiəyə ehtiyac olduğunu açıq şəkildə göstərir."