Azərbaycan News Agency

UNRWA-nın açıqlamasında bildirilib ki, yanvarın 27-də Şufat düşərgəsi daxilində UNRWA obyektlərinə suyun verilməsi dayandırılıb, növbəti gün isə elektrik enerjisində kəsintilər baş verib.

Açıqlamada qeyd olunub ki, düşərgədə 16 mindən çox qeydiyyatdan keçmiş fələstinli qaçqın yaşayır və bu, İsrail hakimiyyətinin Beynəlxalq Ədalət Məhkəməsinin qərarlarına zidd olaraq UNRWA-ya qarşı qanunların tətbiqinin son mərhələsini təşkil edir.

“Atəşkəsə baxmayaraq Qəzzada mühüm hərbi fəaliyyətlər davam edir. 2025-ci ilin oktyabrından bəri İsrail hücumları nəticəsində 477 fələstinli həlak olub. Artıq hər dörd ailədən biri gündə cəmi bir dəfə yeməklə dolanır.”

Açıqlamada ən azı 9 uşağın hipotermiyadan həyatını itirdiyi bildirilib və UNRWA-nın peyvəndləmə və təhsil dəstəyini artırdığı vurğulanıb.