Azərbaycan News Agency

Almaniyanın xarici işlər naziri Vadeful Tayland ilə Kamboca arasındakı atəşkəsin ümidverici olduğunu qeyd edib.

Həftələrlə davam edən zorakılıqdan sonra atəşkəsin, xüsusilə daxili köçkünlər üçün təhlükəsizlik və sabitliyə doğru mühüm addım olduğunu vurğulayan Vadeful deyib: “İndi hər iki tərəfin razılaşmaya ardıcıl şəkildə əməl etməsi çox vacibdir”.

ASEAN sədrliyinə və Müşahidə Qrupuna təşəkkür edən Vadeful bildirib: “Zorakılığın yenidən baş verməsinin qarşısının alınmasında onların rolu həyati əhəmiyyət daşıyır. Atəşkəs razılaşması davamlı sülhə doğru ilk addım ola bilər; bunun üçün dialoq davam etməlidir”.