Azərbaycan News Agency

Niderlandın xarici işlər naziri David van Weel Vaşinqtonda iştirak etdiyi beynəlxalq konfrans çərçivəsində texnologiya və müdafiə sənayesi üçün kritik əhəmiyyətə malik xammal strategiyaları ilə bağlı açıqlamalar verib.

Kritik mineralların müasir sənayedə əvəzolunmaz rolunu vurğulayan Weel deyib: “Kritik minerallar yarımkeçiricilərdən tutmuş müdafiə sistemlərinədək hər şey üçün həyati əhəmiyyət daşıyır. Bu gün Vaşinqtonda keçirilən konfransda kritik asılılıqları necə azaltmaq və tədarük zəncirlərini necə gücləndirmək məsələlərini müzakirə edəcəyik”.

Weel açıqlamasını “Oxşar düşüncəyə malik ölkələrlə əməkdaşlıq çox vacibdir” sözləri ilə tamamlayıb.