Azərbaycan News Agency

Zelenski mübadilənin həyata keçirilməsində əməyi keçən hər kəsə təşəkkür edib. O həmçinin iyun ayı üzrə beynəlxalq diplomatik gündəliyin qiymətləndirilməsi ilə bağlı görüş keçirdiyini bildirib. Zelenski bu cür əlaqələrin yalnız simvolik xarakter daşımamalı olduğunu vurğulayaraq deyib: “Bir görüş ya müharibəni diplomatik yolla sona çatdırmağa yaxınlaşdırmalı, ya da müdafiəmizi, əməliyyatlarımızı gücləndirməli və ya Rusiyaya təzyiqləri artırmalıdır.”

Cəbhədəki vəziyyətlə bağlı məlumat verən Zelenski bildirib ki, ən şiddətli döyüşlər Pokrovsk istiqamətində, Kursk əməliyyat bölgələrində və Sumi sərhəd xəttində davam edir. O qeyd edib ki, Rusiya ordusunun taktikasında dəyişiklik yoxdur – itkilərə məhəl qoymadan irəliləməyə çalışırlar. Amma Zelenski əlavə edib ki, bu yanaşmanın da sərhədləri var və Ukrayna qüvvələrinin müqaviməti və əks-hücumları onların irəliləyişini ləngidir.