Azərbaycan News Agency

Zelenski dünən gecə baş verən hücumun nəticələrinə dair hesabatın təqdim edildiyini və rusların enerji obyektlərinə raket zərbəsi endirdiyini qeyd edib.

O, hava hücumundan müdafiə sistemlərinin cavab verdiyini vurğulayaraq deyib: "Cenevrədə keçiriləcək üçtərəfli danışıqlar ərəfəsində belə, Rusiya ordusunun Ukraynaya hücumu davam etdirməkdən başqa əmri yoxdur. Bu, Rusiyanın tərəfdaşların diplomatik səylərinə necə yanaşdığını açıq şəkildə göstərir."

Zelenski əlavə edib: "Hər bir Rusiya raketi müharibəni bitirmək çağırışlarına təcavüzkarın cavabıdır. Buna görə də vurğulayırıq ki, bu müharibə yalnız Rusiyaya kifayət qədər təzyiq göstərildiyi və Ukrayna üçün aydın təhlükəsizlik zəmanətləri təmin edildiyi təqdirdə real şəkildə başa çata bilər. Bu səylərimizdə bizi dəstəkləyən hər kəsə təşəkkür edirəm."