Azərbaycan News Agency

Ukrayna Prezidenti Zelenski 26 Fevral – Krımın İşğalına Qarşı Müqavimət Günü çərçivəsində Rusiyanın müharibə qarşılığında heç bir mükafat almamalı olduğunu bildirərək bunun davamlı sülh üçün əsas təhlükəsizlik zəmanəti olduğunu qeyd etdi.

Zelenski xatırladıb ki, Rusiyanın Ukraynaya qarşı müharibəsi Krımın işğalı ilə başlayıb və o dövrdə dünya buna göz yumub. O dedi: “Həmin dövrün liderləri Krımdakı və bütün Ukraynadakı etiraz və müqavimətə kifayət qədər diqqət yetirmədilər. Dünya Ukraynaya susmağı tövsiyə etdi. Məhz bu, Putinin daha böyük müharibə başlada biləcəyinə və Qərbə qarşı daha aqressiv mövqe tuta biləcəyinə inanmasına səbəb oldu.”

Zelenski bildirib ki, hər il 26 fevralda bu qlobal dərs xatırlanır və əlavə edib: “Biz Rusiya təcavüzü qarşısında susmayan və geri çəkilməyənləri ehtiramla yad edir və vurğulayırıq ki, təcavüzkarın müharibəyə görə cavab verməsi ən güclü təhlükəsizlik zəmanətlərindən biri və davamlı sülhün ən mühüm ilkin şərtlərindən biridir.”

O, həmçinin Krım Platforması və digər beynəlxalq təşəbbüslər vasitəsilə Krımın işğalını gündəmdə saxlayan ölkələrə təşəkkür edərək deyib: “Krım Ukraynadır və dünya bu həqiqəti hər zaman tanımalıdır.”