Azərbaycan News Agency

Zelenski bildirib ki, dünənki Rusiya ballistik hücumundan sonra Sumidəki tibb müəssisələrində 38 nəfər müalicə alır, onlardan 11-i, o cümlədən 3-ü uşaq olmaqla, kritik vəziyyətdədir.

“Təkcə dünənki hücumda 34 nəfər həlak olub, 119 nəfər yaralanıb,” – deyə o qeyd edib və əlavə edib:

“Odessada ‘Şahid’ dronu ilə gecə hücumu zamanı daha 7 nəfər yaralanıb. Dünən gecə ruslar həmçinin Slavyansk, Uman, Xarkiv, Berislav və digər şəhər və kəndləri atəşə tutublar. Bütün zərər çəkən ərazilər mülki obyektlər idi.”

Zelenski vurğulayıb: “Rusiya terroru hər gün və gecə davam edir. Təkcə aprel ayının əvvəlindən bəri Rusiya ordusu təxminən 2 800 hava bombası, 1 400-dən çox hücum dronu (əsasən ‘Şahid’) və müxtəlif tipli 60-a yaxın raket (ballistik daxil olmaqla) istifadə edib. Bunu yalnız Rusiyaya qarşı real təzyiq dayandıra bilər.”