Azərbaycan News Agency

Ukrayna Prezidenti Volodimir Zelenski Yaxın Şərqdəki inkişafların Ukraynaya təsiri və bölgədə elan olunan atəşkəslə bağlı qiymətləndirmələr verib.

Atəşkəsin Ukraynaya yardımlara təsir etməyəcəyinə əminliyini ifadə edən Zelenski deyib: "Əgər Yaxın Şərqdə atəşkəs qorunarsa, Ukraynaya dəstəyin təmin olunmasında böhran olmayacaq. Əlbəttə, bizim ümid etdiyimiz də budur. Biz də Rusiyanın Ukraynaya qarşı müharibəsinin başa çatmasını qətiyyətlə istəyirik".

Müharibənin başa çatması üçün başlanğıc nöqtəsinə ehtiyac olduğunu vurğulayan Zelenski bildirib: "Heç olmasa ilk addımı atmalıyıq – bir atəşkəs. Mən həmişə bunu demişəm: buradan başlamalıyıq. Amma bizə deyildi və siqnallar verildi ki, xeyr – müharibə yalnız birdəfəlik tam şəkildə dayandırıla bilər; atəşkəs heç nəyi dəyişmir. Amma mən bunun işlədiyini düşünürəm".

Zelenski Yaxın Şərqdəki vəziyyətin qlobal diplomatiya baxımından bir sübut olduğunu qeyd edərək deyib: "Yaxın Şərq nümunəsi indi açıq şəkildə göstərir ki, atəşkəs mümkündür. Amerika Birləşmiş Ştatlarının bunu həyata keçirmək üçün kifayət qədər gücü var".