Azərbaycan News Agency

Ukrayna Prezidenti Volodimir Zelenski Finlandiya Prezidenti Aleksandr Stubb ilə Rusiya-Ukrayna müharibəsi və Avropa təhlükəsizliyi ilə bağlı görüş keçirdiyini açıqlayıb.

Zelenski görüşdə müharibənin sona çatdırılmasına yönəlmiş diplomatik təşəbbüslərin və Avropanın bu prosesdəki rolunun müzakirə edildiyini bildirərək, “Sülh yolunda transatlantik birlik əsasdır. Növbəti addımlarla bağlı mövqelərimizi koordinasiya etdik” ifadələrini işlədib.

Prezident Zelenski tərəfdaşlarının Ukraynanın son bir il ərzində ən güclü cəbhə mövqeyində olduğunu qiymətləndirdiyini bildirərək, ölkəsinin Avropa və digər regionlar üçün etibarlı təhlükəsizlik təminatçısına çevrildiyini vurğulayıb.

Görüşdə Ukraynanın Avropa Birliyinə inteqrasiya prosesi də gündəmdə olub. Zelenski, “Altı danışıqlar klasterinin hamısını açmaq üçün lazım olan imkan pəncərəsi indi yaranıb” deyib.