Zelenski: Yeni ilə qədər bir çox məsələlər qərara bağlana bilər
Kiyev, 26 dekabr (Hibya) – Ukrayna Prezidenti Volodimir Zelenski bildirib ki, Ukrayna Milli Təhlükəsizlik və Müdafiə Şurasının katibi Rüstəm Umerovun Amerika tərəfi ilə son təmaslarından sonra yeni ilə qədər bir çox məsələlər qərara bağlana bilər.
Prezident Zelenski, Rüstəm Umerovun Amerika tərəfi ilə apardığı son təmaslar barədə məlumat aldığını qeyd edib.
Daimi sülh naminə bir günün belə itirilmədiyini vurğulayan Zelenski deyib: “Yaxın gələcəkdə Prezident Trampla ən yüksək səviyyədə görüş barədə razılığa gəldik. Yeni ilə qədər bir çox məsələlər qərara bağlana bilər”.
Azərbaycan İnformasiya Agentliyi