Azərbaycan News Agency

Həftənin ilk ticarət günündə Asiya bazarlarında qarışıq mənzərə müşahidə olunub. Avstraliya, Hindistan, Honq-Konq və Çin birjaları yüksəliş göstərərkən, Yaponiya birjasında eniş qeydə alınıb.

Honq-Konqda Hang Seng İndeksi (HSI) 2,13 faiz artaraq 23.153,89 bəndə yüksəlib. Avstraliyada S&P/ASX 200 indeksi 0,40 faiz artımla 8.799,50 səviyyəsində ticarət olunub.

Hindistanda NIFTY 50 indeksi 0,16 faiz artaraq 24.093,30 bəndə yüksəlib, Çində isə Shanghai Composite indeksi 0,17 faiz artımla 4.034,084 bəndə çatıb.

Yaponiyada Nikkei 225 indeksi isə 0,84 faiz dəyər itirərək günü 68.781,28 bənd səviyyəsində başa vurub.