Azərbaycan News Agency

Pakistan Xarici İşlər Nazirliyi BMT-nin İslamofobiya ilə Mübarizə üzrə xüsusi nümayəndəsi Migel Anxel Moratinosun Pakistanın Baş nazirinin müavini və xarici işlər naziri, senator Məhəmməd İshaq Dar ilə görüş keçirdiyini bildirib.

Açıqlamaya görə, Dar Moratinosun islamofobiya ilə mübarizə sahəsində gördüyü işləri yüksək qiymətləndirərək Pakistanın bu prosesə tam dəstək verdiyini vurğulayıb.

Görüş zamanı bildirilib ki, BMT-nin İslamofobiya ilə Mübarizə üzrə Fəaliyyət Planının qısa müddətdə tamamlanması bu problemlə qlobal səviyyədə mübarizə üçün güclü çərçivə yaradacaq.

Pakistan rəsmiləri həmçinin BMT-nin Baş katibi Antonio Quterreşin bu mövzuda irəli sürdüyü təşəbbüsləri də müsbət qiymətləndiriblər.