Azərbaycan News Agency

Niderlandın xarici işlər naziri Tom Berendsen Hindistanın xarici işlər naziri Subrahmanyam Caişankar ilə görüşüb.

Berendsen bildirib ki, görüş zamanı tərəflər açıq və sabit Hind-Sakit okean baxışına sadiqliklərini bir daha təsdiqləyiblər. Görüşdə dənizlərdə gəmiçilik azadlığının qorunması ilə yanaşı, Avropa İttifaqı (Aİ)-Hindistan Azad Ticarət Sazişi (ATS) üzrə danışıqlar da müzakirə olunub.

İki nazir həmçinin yeni Strateji Tərəfdaşlıq çərçivəsində enerji təhlükəsizliyi, texnologiya və su idarəçiliyi sahələrində əməkdaşlığın genişləndirilməsi məsələlərini dəyərləndiriblər.