Azərbaycan News Agency

Moldova Xarici İşlər Nazirliyi Misirin Milli Günü münasibətilə yayımladığı mesajda Misir xalqını və hökumətini təbrik edərək, iki ölkə arasında əməkdaşlığın daha da inkişaf etdirilməsi istiqamətində qətiyyətini vurğulayıb.

Nazirliyin açıqlamasında Misir xalqına sülh, rifah və davamlı uğurlar arzulanıb, Moldovanın Misirlə dostluq münasibətlərinə böyük önəm verdiyi bildirilib.

Açıqlamada infrastruktur, energetika, kənd təsərrüfatı və qarşılıqlı maraq doğuran digər sahələrdə əməkdaşlığın dərinləşdirilməsinin hədəfləndiyi qeyd olunaraq, ikitərəfli münasibətlərin daha da möhkəmləndirilməsi arzulanıb.

Moldova Xarici İşlər Nazirliyi həmçinin Misiri FIFA Dünya Kubokundakı uğuru münasibətilə təbrik edib və Milli Gün münasibətilə ən xoş arzularını bir daha ifadə edib.