Sofiyada narkotik əməliyyatı
Sofiya, 23 iyul (Hibya) - Bolqarıstan Daxili İşlər Nazirliyinin Mətbuat Mərkəzi və Strateji Kommunikasiya İdarəsinin açıqlamasına əsasən, Sofiyada keçirilən xüsusi polis əməliyyatı zamanı 40 yaşlı şübhəli saxlanılıb və külli miqdarda narkotik vasitə aşkar edilərək götürülüb.
Açıqlamada bildirilib ki, Narkotik Cinayətlərlə Mübarizə Bölməsinin apardığı istintaq çərçivəsində saxlanılan şübhəli narkotik vasitələrin saxlanılması və satışı ilə bağlı əvvəllər də məhkum olunub. Əməliyyat zamanı 270 ədəd ekstazi həbi, təxminən 290 qram amfetamin, 660 qram sintetik narkotik istehsalı üçün xammal, 40 qram metamfetamin, 2 qram kokain və 10 qram marixuana müsadirə edilib.
Prokurorluğun qərarı ilə şübhəli barəsində həbs-qətimkan tədbiri seçilib, istintaqın isə Sofiya Şəhər Prokurorluğunun nəzarəti altında davam etdiyi bildirilib.
Azərbaycan İnformasiya Agentliyi
Facebook
Tweeter
Whatsapp
