Azərbaycan News Agency

BMT-nin Baş katibi Quterreş Pakistanın İslamabad şəhərində bir məsciddə ibadət edənlərə qarşı hücumu “ən sərt şəkildə” pislədiyini bildirib. BMT sözçüsü Farhan Haq tərəfindən yayımlanan açıqlamada mülki əhaliyə və ibadət yerlərinə qarşı hücumların qəbuledilməz olduğu vurğulanıb.

Baş katib məsul şəxslərin müəyyən edilərək ədalət qarşısına çıxarılmasının vacibliyini qeyd edib. O, həmçinin həlak olanların ailələrinə başsağlığı verib, yaralılara isə tezliklə şəfa arzulayıb.

Quterreş BMT-nin terrorizm və zorakı ekstremizmlə mübarizədə Pakistan hökuməti və xalqı ilə həmrəy olduğunu bir daha vurğulayıb.