Azərbaycan News Agency

Braziliya Prezidenti Luiz İnasiu Lula da Silva COP31 çərçivəsində Prezident Rəcəb Tayyib Ərdoğanla görüşdüyünü və iki ölkə arasındakı əməkdaşlıq münasibətlərini müzakirə etdiyini bildirib.

Sosial media hesabında açıqlama verən Lula Ərdoğanla birlikdə iki ölkə arasında münasibətlərin 2027-ci ildə 100 illiyinin tamamlanmasını qeyd etdiklərini açıqlayıb. Bu çərçivədə Lula ikitərəfli münasibətləri inkişaf etdirmək məqsədilə ən qısa zamanda vitse-prezidentlər səviyyəsində ilk İkitərəfli Strateji Şura İclasının keçirilməsinin hədəfləndiyini bildirib. O, həmçinin Ərdoğanın münasib vaxtda geniş işgüzar nümayəndə heyəti ilə birlikdə Braziliyaya səfər edəcəyini qeyd edib.

İki ölkə arasındakı ticarət əlaqələrinə toxunan Lula ikitərəfli ticarət dövriyyəsinin 5,9 milyarda çatdığını və Türkiyə ilə müdafiə sahəsində də güclü tərəfdaşlıq qurmaq istədiyini ifadə edib.

COP31-i Belemdə keçirilən COP30 zamanı başladılan təşəbbüsləri irəli aparmaq üçün fürsət kimi qiymətləndirən Lula sammitə hazırlıq istiqamətində çalışmağa hazır olduğunu bildirib. Bundan əlavə, Lula Braziliyada kritik minerallarla bağlı milli siyasətləri müəyyənləşdirmək və bu resursların ölkə daxilində emalını təmin etmək məqsədilə Prezident Administrasiyasına bağlı yeni şuranın yaradıldığını açıqlayıb. O, bu sahədə Türkiyə ilə əməkdaşlığın mümkün olduğunu qeyd edib.

Görüşün sonunda hər iki tərəf sülh naminə çalışmağın və çoxtərəfliliyi müdafiə etməyin əhəmiyyəti barədə ortaq mövqedə olduqlarını ifadə edib.