Azərbaycan News Agency

Litvanın xarici işlər naziri Kestutis Budris Avropa İttifaqının genişlənmə gündəliyi çərçivəsində Ukraynanın üzvlük prosesini qiymətləndirib. Budris Ukraynanın mərkəzi yer tutduğu Aİ genişlənməsinin Avropanın təhlükəsizliyi baxımından strateji investisiya olduğunu bildirib.

Budris Aİ Xarici İşlər Nazirləri Toplantısı çərçivəsində Avropa Komissiyasının genişlənmə üzrə komissarı Marta Kos ilə görüşdüyünü və Ukraynanın üzvlük prosesində əldə etdiyi irəliləyişi müzakirə etdiklərini qeyd edib.

Budris bildirib: “Rusiyanın müharibəsinə baxmayaraq, Ukrayna islahatları həyata keçirməyə davam edir. İrəliləyiş tempini qorumaq, qalan danışıqlar fəsillərini açmaq və Aİ üzvlüyünün əlçatan hədəf olaraq qalmasını təmin etmək lazımdır”.

Üzvlük prosesinin ikitərəfli mübahisələr səbəbindən əngəllənməməli olduğunu vurğulayan Budris deyib: “Üzvlüyə gedən yol ikitərəfli fikir ayrılıqları ilə əngəllənmək əvəzinə, nailiyyətlərə əsaslanmalıdır. Genişlənmə Avropanı daha güclü, daha dayanıqlı və daha təhlükəsiz edir”.