Azərbaycan News Agency

İsrailin xarici işlər naziri Gideon Saar Albaniyaya səfərinə həmkarı Ferit Hoca ilə görüşlə başladığını və iki ölkə arasında genişləndirilmiş əməkdaşlıq sazişinin imzalandığını açıqlayıb.

Sazişin İsrail və Albaniya şirkətləri üçün yeni biznes imkanları yaradacağını bildirən Saar deyib: “İsrail və Albaniya şirkətləri üçün çoxsaylı biznes imkanlarının yolunu açacaq genişləndirilmiş əməkdaşlıq sazişi imzaladıq”.

Saar Holokost dövründə albanların yəhudiləri xilas etməsini də xatırladaraq bildirib: “Holokost zamanı albanların yəhudiləri xilas etməsini hər zaman xatırlayacağıq. Albaniya İsrailin yanında ardıcıl şəkildə dayanan əsl dostdur”.