Azərbaycan News Agency

Suriyanın xarici işlər və xaricdə yaşayan suriyalılar üzrə naziri Əsəd Həsən Şeybani Qətərin Baş naziri və xarici işlər naziri Şeyx Məhəmməd bin Əbdürrəhman bin Casim Al Sani ilə görüşüb.

Suriya Xarici İşlər və Xaricdə Yaşayan Suriyalılar Nazirliyinin açıqlamasına görə, görüşdə regional hadisələrlə yanaşı, ikitərəfli əməkdaşlığın gücləndirilməsi və iki ölkə arasında münasibətlərin inkişaf etdirilməsi məsələləri müzakirə olunub.

Görüşdə regionda təhlükəsizliyin və sabitliyin möhkəmləndirilməsinə töhfə vermək məqsədilə birgə koordinasiyanın və məsləhətləşmələrin artırılmasının vacibliyi vurğulanıb.