Azərbaycan News Agency

Danimarkanın TV2 telekanalına görə, Mette Frederiksen deyib: “NATO Danimarka Krallığının mövqeyindən tam xəbərdardır. Siyasi bütün məsələlər üzrə – təhlükəsizlik, investisiyalar və iqtisadiyyat mövzularında danışıqlar apara bilərik. Lakin suverenliyimiz barədə danışıqlar apara bilmərik. Mənə bildirilib ki, bu məsələdə başqa anlayış yoxdur.”

Frederiksenin tam açıqlaması belədir:

“Arktikadakı təhlükəsizlik bütün NATO alyansının məsələsidir. Buna görə də bu mövzunun NATO-nun Baş katibi ilə ABŞ Prezidenti arasında müzakirə olunması təbii və düzgündür. Danimarka Krallığı uzun müddətdir ki, NATO-nun Arktikadakı iştirakını artırmaq üçün çalışır.

Danimarka hökuməti proses boyu səylərimizi Qrenlandiya hökuməti – Naalakkersuisut ilə əlaqələndirib. NATO ilə sıx dialoqdayıq və NATO-nun Baş katibi Mark Rutte ilə, o cümlədən onun Davosda Prezident Trampla görüşündən əvvəl və sonra da, daim əlaqə saxlamışam.

NATO Danimarka Krallığının mövqeyindən tam xəbərdardır. Siyasi bütün məsələlər üzrə – təhlükəsizlik, investisiyalar və iqtisadiyyat mövzularında danışıqlar apara bilərik. Lakin suverenliyimiz barədə danışıqlar apara bilmərik. Mənə bildirilib ki, bu məsələdə başqa anlayış yoxdur.

Və əlbəttə, Danimarka və Qrenlandiyaya aid məsələlər üzrə qərarları yalnız Danimarka və Qrenlandiya özləri verə bilərlər.

Danimarka Krallığı, ərazi bütövlüyümüzə hörmət edilməsi şərti ilə, ABŞ-ın “Qızıl Qübbə”si də daxil olmaqla, Arktikada təhlükəsizliyin necə gücləndirilə biləcəyi barədə müttəfiqlərlə konstruktiv dialoqu davam etdirmək istəyir.”