Azərbaycan News Agency

Azərbaycan Prezidenti İlham Əliyev İslam Dünyası Təhsil, Elm və Mədəniyyət Təşkilatının (ICESCO) Baş direktoru Salim bin Məhəmməd əl-Maliki qəbul edib.

Bakıda keçirilən görüş zamanı Baş direktor əl-Malik Azərbaycanın ev sahibliyi etdiyi 7-ci Ümumdünya Mədəniyyətlərarası Dialoq Forumunun uğurla keçirilməsi münasibətilə İlham Əliyevi təbrik edib.

Görüşdə dünyada münaqişələrin davam etdiyi bir dövrdə Azərbaycanın müharibələrə son qoymaq təcrübəsinin digər ölkələr üçün əhəmiyyətinə toxunan əl-Malik İlham Əliyevin dövlətlərin daxili işlərinə qarışmamaq prinsipini vurğuladığı çıxışını yüksək qiymətləndirdiklərini bildirib. Əl-Malik həmçinin Azərbaycan və Heydər Əliyev Fondunun vitse-prezidenti Leyla Əliyevaya müsəlman ölkələrində həyata keçirilən təhsil və humanitar layihələrə göstərdikləri dəstəyə görə təşəkkür edib.

Azərbaycan ilə ICESCO arasındakı əməkdaşlıqdan məmnunluğunu ifadə edən Prezident İlham Əliyev ölkəsinin İslam həmrəyliyini gücləndirmək əzmini vurğulayıb. Gələn il İslam Əməkdaşlıq Təşkilatının (İƏT) Zirvə toplantısına ev sahibliyi edəcəklərini və təşkilata dövri sədrliyi üzərlərinə götürəcəklərini xatırladan Əliyev Azərbaycanın həm İƏT-in, həm də ICESCO-nun fəaliyyətinə töhfə verməyə davam edəcəyini qeyd edib.