Azərbaycan News Agency

İraqın Baş naziri Əli Faleh əl-Zeydi Beynəlxalq Ticarət Mərkəzinin icraçı direktoru Pamela Hamiltonu və onu müşayiət edən nümayəndə heyətini qəbul edib. Görüşdə tərəflər İraq ilə Beynəlxalq Ticarət Mərkəzi arasında müxtəlif sahələrdə əməkdaşlıq imkanlarını və mərkəzin iqtisadi inkişafa töhfəsini qiymətləndiriblər.

Baş nazir əl-Zeydi İraqın çoxsaylı investisiya imkanlarına malik olduğunu bildirərək, hökumətin xarici sərmayələri təşviq etməyi və investorlara müvafiq güzəştlər və imkanlar yaratmağı hədəflədiyini qeyd edib. Əl-Zeydi həmçinin ölkənin mühüm turizm potensialına diqqət çəkərək, turizm sektorunun inkişaf etdirilməsinin hökumətin prioritetləri arasında olduğunu vurğulayıb.

Beynəlxalq Ticarət Mərkəzinin icraçı direktoru Hamilton isə İraq hökumətinin islahat və investisiya yanaşmasını müsbət qarşıladıqlarını bildirib. Hamilton investisiyaların artması üçün sabitliyin əhəmiyyətini vurğulayaraq, mərkəzin İraqın milli investisiya strategiyasının hazırlanmasına, turizm sektorunun inkişafına, kənd təsərrüfatı sahəsindəki fəaliyyətlərinə və rəqəmsal iqtisadiyyat təşəbbüslərinə dəstək verməyə hazır olduğunu bəyan edib.