Azərbaycan News Agency

İranın xarici işlər naziri Abbas Əraqçi sosial media hesabında paylaşdığı açıqlamada ABŞ-yə və İsrailin Baş naziri Benyamin Netanyahuya mesajlar ünvanlayıb.

İranın əvvəlki dövrdə «işi bitirmək» cəhdlərindən sonra daha da gücləndiyini bildirən Əraqçi ABŞ-yə eyni yolu yenidən sınayacağı təqdirdə cavab verməyə hazır olduqları mesajını çatdırıb. Əraqçi deyib: “Amma diqqətli olun; bizim də yarımçıq qalan işlərimiz var.”

Əraqçi Netanyahunun həbsxanaya düşməkdən yayınmaq məqsədilə ABŞ-ni yeni müharibəyə sürüklədiyini iddia edib. İranlı nazir belə bir münaqişənin İsrail və ABŞ Prezidenti üçün yarada biləcəyi nəticələrə də diqqət çəkib.