Azərbaycan News Agency

BMT-nin Humanitar məsələlər və fövqəladə yardım üzrə koordinatoru Tom Fletçer qlobal siyasi mühit və humanitar böhranlar barədə açıqlama verib.

Fletçer dünyada hökm sürən qeyri-sabitliyə diqqət çəkərək təşkilatın rolunu müdafiə edib.

Mövcud qlobal vəziyyətlə bağlı Fletçer deyib: “Düşünülməmiş hərbi avantürizm, qəddarlıq, cəzasızlıq və laqeydliyin hökm sürdüyü bir dövrdə yaşayırıq”.

“Tənqidçilər belə bir dünyada BMT-yə ehtiyac olmadığını deyirlər”, - deyən Fletçer, qurumun yaranma fəlsəfəsinə və böhran anlarındakı həyati əhəmiyyətinə diqqət çəkərək əlavə edib: “Amma biz məhz belə zamanlar üçün yaradılmışıq”.