Azərbaycan News Agency

Birləşmiş Millətlər Təşkilatının Fələstinli Qaçqınlara Yardım Agentliyi (UNRWA) Qəzzadakı humanitar vəziyyətin ağırlığını vurğulayan bəyanat yayıb.

Bildirilib ki, bölgədə yaşayan insanlar sistematik zorakılıq, dağıntı və həyat üçün təhlükəli yaralanmalarla üzləşməkdə davam edirlər.

Hücumların humanitar nəticələrinə toxunan UNRWA qeyd edib: “Qəzzadakı insanlar zorakılıq, dağıntı və həyatlarını dəyişdirən yaralanmalarla üzləşməyə davam edir. Yüzlərlə insan daimi əlilliklə üzləşib.”

Qeyd olunub ki, hava zərbələri, artilleriya atəşləri və silahlı toqquşmaların davam etdiyi bölgədə xəstəxanalar, BMT obyektləri, ictimai binalar və kənd təsərrüfatı sahələri kimi həyati əhəmiyyətli yerlərə çıxış ciddi şəkildə məhdudlaşdırılıb.

Bəyanatda beynəlxalq hüququn əhəmiyyətinə diqqət çəkilərək bildirilib: “Cəzasızlıq normallaşdırıla bilməz. Müharibələrin qaydaları var və onlara əməl olunmalıdır.”