Azərbaycan News Agency

Gebreyesus Myanmanın Raxayn ştatındakı Mrauk-U xəstəxanasına edilən hücumdan böyük dəhşət duyduğunu qeyd edib.

Onun sözlərinə görə, tibb işçiləri, xəstələr və onların ailə üzvləri də daxil olmaqla ən azı 33 nəfər həlak olub, 20 nəfər isə yaralanıb.

“Xəstəxananın infrastrukturu ciddi zərər görüb; əməliyyatxanalar və əsas palata tamamilə dağıdılıb. Mrauk-U Xalq Xəstəxanası bölgənin əsas tibb mərkəzidir və təcili tibbi yardım, ümumi tibbi xidmətlər, doğuş və cərrahiyyə imkanları təqdim edir. Bu hücum bütün icmaların tibbi xidmətlərə çıxışını ciddi şəkildə pozacaq. Bu, ÜST-ün Myanmada bu il təsdiqlədiyi 67-ci tibb müəssisəsinə hücumdur.”

Gebreyesus vurğulayıb ki, səhiyyə xidmətlərinə edilən hər hücum insanlığa qarşı hücumdur: “Tibb müəssisələri, xəstələr və tibb işçiləri həmişə qorunmalıdır. Səhiyyə xidmətlərinə hücumlar dayanmalıdır.”