Azərbaycan News Agency

CCTV-nin məlumatına görə, yerli vaxtla saat 05:10 radələrində Tehran boyunca çoxsaylı partlayış və döyüş təyyarələrinin səsləri eşidilib.

Partlayışlardan dərhal sonra şəhərin hava hücumundan müdafiə sistemləri bir neçə nöqtədə işə düşüb.

İsrail Müdafiə Qüvvələri (IDF) saat 04:00 radələrində yaydığı açıqlamada Tehrandakı kritik infrastrukturu hədəf alan genişmiqyaslı hücumlar həyata keçirdiyini təsdiqləyib.

Əməliyyatın hədəfləri və nəticələri ilə bağlı ətraflı araşdırmaların davam etdiyi, bölgədə hərbi hərəkətliliyin isə sürdüyü bildirilib.

Hücumdan sonra Tehrandakı təhlükəsizlik tədbirlərinin ən yüksək səviyyəyə qaldırıldığı qeyd olunub.