Azərbaycan News Agency

Ukraynanın xarici işlər naziri Andrii Sybiha ölkənin hərbi müdafiə potensialı və beynəlxalq tərəfdaşlıq strategiyaları barədə açıqlama verib.

Sybiha qeyd edib ki, dünya ölkələri Yaxın Şərqdəki hadisələri izləyərkən Ukraynanın iqtisadi səmərəliliyini və texnoloji inkişaf səviyyəsini müşahidə edir: “Ukraynanın unikal müdafiə imkanları və insan həyatını qoruma təcrübəsi yalnız Körfəz ölkələrində deyil, bir çox ölkədə böyük maraq doğurur”.

Qlobal əməkdaşlıq mesajı verən Sybiha bildirib: “Biz yalnız Avropa, Şimali Amerika və Körfəz regionunda deyil, Afrika, Asiya, Latın Amerikası və digər bölgələrdə də qarşılıqlı faydalı tərəfdaşlıqlar qurmaqda maraqlıyıq”.

Rusiya ilə müharibənin təsirləri barədə danışan Sybiha deyib:

“İllərlə davam edən amansız rus müharibəsi xalqımıza böyük ağrı və dağıntı gətirdi, lakin eyni zamanda Ukraynanı unikal güc inkişaf etdirməyə məcbur etdi. Müasir Ukrayna təhlükəsizlik təminatçısı və dəyərlərimizi paylaşanlar üçün etibarlı tərəfdaşdır”.