Azərbaycan News Agency

BMT-nin Fələstinli Qaçqınlara Yardım və İşlər üzrə Agentliyi (UNRWA) Qəzza zolağında 11 min fələstinli əməkdaşı vasitəsilə çətin şəraitdə həyati əhəmiyyətli ictimai xidmətləri göstərməyə davam etdiyini açıqlayıb.

UNRWA-nın açıqlamasında bildirilib ki, Qəzzada fəaliyyət göstərən təxminən 11 min fələstinli əməkdaş fövqəladə çətinliklərə baxmayaraq səhiyyə, təhsil və əsas humanitar xidmətlərin fasiləsiz davam etməsini təmin etmək üçün çalışmalarını davam etdirir.

Açıqlamada həmçinin Qəzzanın bərpası və gələcək idarəetmə modeli ilə bağlı beynəlxalq müzakirələrin davam etdiyi xatırladılaraq, UNRWA-nın uzun illərə söykənən sahə təcrübəsinin, yerli icma haqqında dərin biliklərinin və əməliyyat imkanlarının hələ də əsas əhəmiyyət daşıdığı vurğulanıb.