Azərbaycan News Agency

Kanadanın Baş naziri Mark Karni ölkənin infrastrukturunun və iqtisadi potensialının gücləndirilməsi istiqamətində görülən işlərlə bağlı açıqlama verib.

Karni Kanadanın hidroelektrik enerji, nəqliyyat, mədənçilik və liman sahələrində irimiqyaslı investisiyalar həyata keçirdiyini bildirərək, bu çərçivədə Team Canada Strong proqramının başladıldığını qeyd edib.

Karni bildirib ki, proqram çərçivəsində ölkə üzrə ehtiyac duyulan ixtisaslı peşə işçilərinin hazırlanması və işlə təmin edilməsi nəzərdə tutulur və 100 minədək Red Seal sertifikatlı ixtisaslı işçinin sistemə cəlb edilməsi hədəflənir. Kanada hökuməti də daha əvvəl proqramın qarşıdakı beş il ərzində 80 mindən 100 minədək yeni Red Seal sertifikatlı ixtisaslı işçinin işə qəbulunu və hazırlanmasını hədəflədiyini açıqlamışdı.

Karni Team Canada Strong təşəbbüsünün Kanadanı ölkə daxilində gücləndirməyə yönəlmiş milli bir təşəbbüs olduğunu vurğulayıb.