Azərbaycan News Agency

Braziliya Prezidenti Luiz İnasiu Lula da Silva açıqlamasında COP30-dan sonra iqlim dəyişikliyi ilə mübarizəyə qlobal marağın zəiflədiyini bildirib. Lula bir il əvvəl keçirilən COP30 konfransında Amazon bölgəsinin tarixində ən geniş ictimai iştirakın qeydə alındığını, yerli xalqların, kilombola icmalarının və çay sahillərində yaşayan əhalinin səslərinin beynəlxalq danışıqlarda eşidildiyini vurğulayıb.

Lula həmin dövrdə danışıqlar aparan nümayəndə heyətlərinin sözlərdən əməli fəaliyyətə keçməyin vacibliyini qəbul etdiklərini, lakin Belemdən Antalyaya qədər olan müddətdə bu həvəsin azaldığını bildirib.

İlin əvvəlindən etibarən iqlim dəyişikliyi mövzusunun dünya liderlərinin çıxışlarından və sənədlərindən tədricən uzaqlaşdığını qeyd edən Lula, istixana qazı emissiyalarının ən böyük mənbələrini bir araya gətirən G7 və G20 toplantılarında da iqlimlə bağlı narahatlıqların sükutla əvəz olunduğunu bildirib.

Lula gələcək nəsillərin həyatına təsir edən iqlim böhranından daha çox silahlar və gömrük tarifləri barədə danışılmağa başlandığına diqqət çəkib.