Azərbaycan News Agency

Almaniya Kansleri Fridrix Merts sosial media hesabında etdiyi paylaşımlarda Braziliya və Serbiyadakı seçkilərlə bağlı fikirlərini bildirib.

Merts Latın Amerikasının ən böyük demokratiyası kimi xarakterizə etdiyi Braziliyada keçirilən seçkilərdən sonra Luiz İnasiu Lula da Silvanı təbrik edib. Almaniya ilə Braziliya arasında strateji tərəfdaşlığı daha da dərinləşdirməyi hədəflədiklərini bildirən Merts iki ölkə arasında əməkdaşlığın davam etdirilməsinin vacibliyini vurğulayıb.

Serbiyadakı parlament seçkilərinə də toxunan Merts Tələbə Siyahısını təbrik edib. O, siyahının qanunun aliliyi, korrupsiyaya qarşı mübarizə və fundamental azadlıqlarla bağlı tələbləri vasitəsilə seçicilərin dəstəyini qazanmağa nail olduğunu bildirib. Merts Almaniyanın Serbiyanın Avropa yolunu qətiyyətlə dəstəkləyəcəyini ifadə edib.