Azərbaycan News Agency

NATO qüvvələri əməliyyat imkanlarını artırmaq məqsədilə dron texnologiyaları üzrə təlim və inteqrasiya fəaliyyətlərini sürətləndirib.

Bu çərçivədə Litvada xidmət edən alman piyada əsgərlərinə müxtəlif növ dronların istifadəsi ilə bağlı xüsusi təlim keçirilib.

NATO-nun açıqlamasında dronlardan istifadə və dronlara qarşı mübarizə (Counter-Drone) imkanlarının alyansın qüvvə strukturunda getdikcə daha mühüm rol oynadığı bildirilib.

Açıqlamada NATO-nun genişmiqyaslı dron istehsalı, onların aktiv şəkildə istismarı və bu vasitələrin zərərsizləşdirilməsi imkanlarını sürətlə genişləndirməyə davam etdiyi vurğulanıb.